Чтение Евангелия. (Чтец 2)

Сайт Школы Крёстных Нянь Калининградской митрополии

Чтец 2: Прокимен, глас 4: Господи, услыши молитву мою, приими моление мое.

Народ стих: Господи, услыши молитву мою, приими моление мое.

Чтец 2: Господи, услыши молитву мою.

Народ стих: Господи, услыши молитву мою, приими моление мое.

Чтец 2: Господи, услыши молитву мою,

Народ стих: Приими моление мое.

Евангелие от Матфея, зач. 20 от полу (7, 7–11).

Чтец 2: От Матфея святаго евангелия чтение.

Народ: Слава Тебе, Господи, Слава тебе.

Чтец 2:  Рече Господь: просите, и дастся вам; ищите, и обрящете; толцыте, и отверзется вам. Всяк бо просяй приемлет, и ищай обретает, и толкущему отверзется. Или кто есть от вас человек, егоже аще вопросит сын его хлеба, еда камень подаст ему? Или аще рыбы просит, еда змию подаст ему? Аще убо вы, лукави суще, умеете даяния блага даяти чадом вашим, кольми паче Отец ваш Небесный даст блага просящим у Него.

Народ: Слава Тебе, Господи, слава тебе.

Запевы:

Чтец 2: Слава Тебе, Боже наш, слава Тебе.

Народ: Слава Тебе, Боже наш, слава Тебе.

Чтец 2: Пресвятая Богородице, спаси нас.

Народ: Пресвятая Богородице, спаси нас.

Чтец 2:  Преподобне отче наш Серафиме, моли Бога о нас.

Народ: Преподобне отче наш Серафиме, моли Бога о нас.

Чтец 2: Святителю отче наш Спиридоне, моли Бога о нас.

Народ: Святителю отче наш Спиридоне, моли Бога о нас.

Чтец 2: Слава Отцу и Сыну, и Святому Духу.

Народ: И ныне, и присно, и во веки веков. Аминь.

Тропари

Народ: Избави от бед,/ рабы Твоя, Многомилостиве
Господи,/ яко мы усердно/ к Тебе прибегаем, //
Милостивому Избавителю всех Владыце Господу
Иисусу.
Спаси от бед/ рабы Твоя, Богородице,/ яко вси по Бозе/
к Тебе прибегаем, // яко нерушимой стене и
предстательству.
Призри благосердием,/ Всепетая Богородице,/ на мое
лютое/ телесе озлобление// и исцели души моея
болезнь.
Молите Бога о нас,/ преподобне отче Серафиме,/ и
преподобне отче Иосифе,/ святителю отче Спиридоне/
яко мы усердно/ к вам прибегаем, // скорым
помощникам и молитвенникам о душах наших.

Кондак, гл. 6

Народ: Не имамы иныя помощи, / не имамы иныя надежды, /разве Тебе, Владычице. / Ты нам помози, / на Тебе надеемся / и Тобою хвалимся, // Твои бо есмы раби, да не постыдимся.

Чтец 2: Господи помилуй 12 раз.

Славословие. (Чтец 3)

Чтец 3: Господи Иисусе Христе, Боже наш, Боже всякаго милосердия щедрот, егоже милость безмерна, и человеколюбия неизследимая пучино! К Твоему величию припадающе со страхом и трепетом, благодарение Твоему благосердию о Твоих благодеяниях на нас, рабах Твоих (имена) яко Господа, Владыку и Благодетеля нашего хвалим, поем и величаем.

Как и во все дни жизни нашей, так и в сей день милостями Твоими Ты ущедряешь нас. Просим тако и на будущее время Твои благодеяния нам и всем верным всегда подавай; братий наших (чад и крестников наших) и всех благодеющих и служащих нам, всех заповедавших о них молитися, и всех верных Твоих от всякаго злаго обстояния избави, мир и безмятежие им даруй. И Тебе, со Безначальным Твоим Отцем и Пресвятым и Благим и Единосущным Твоим Духом во Едином существе славимому Богу всегда благодарение приносити и преблагая глаголати и воспети сподоби: Слава Тебе Богу, Благодетелю нашему во веки веков. Аминь.

Покаянная молитва. (Чтец 4).

Чтец 4: Господи, Боже наш, мы смиренно пред взором благости Твоей признаём, яко много согрешили пред Тобою и прогневали Твоё благосердие.

Ты зриши, Господи, немощь нашу и скорбь душевную, веси растление умов и сердец наших, оскудение веры, отступление от заповедей Твоих, умножение нестроений семейных, разъединения и раздоры церковные, Ты зриши печали и скорби наша, от болезней, гладов, потопления, запаления и междоусобныя брани происходящия. Но, премилостивый и человеколюбивый Господи, прости нам прегрешения наша, яко много согрешили пред Тобой. Наипаче всего согрешили мы леностью, праздностью, беспечностью, чревоугодием, беспорядочным обжорством, блудным разжжением, растлением и развращением, согрешили  самовосхвалением, наглостию, обидчивостью, властолюбием, клеветой, наушничеством, интриганством, высмеиванием болезней и немощей ближнего, лукавством, двуличием, ханжеством, гневом, яростию, матерной руганью, немилосердием, жестоким обращением со слабыми, беспомощными и больными.

Мы согрешили безверием, маловерием, малодушием, посещением бабок-гадалок, шарлатанов, ведьм, экстрасенсов, обращались к астрологам, вызывателям духов, медиумам. Мы участвовали в спиритических сеансах, в гаданиях, в кощунственном, магическом использовании святых икон и других святых предметов, пытались снять или наложить порчу, сглаз, венец безбрачия. Мы пытались защитить себя и своих близких не силой Духа Святого, а безблагодатными средствами человеческого заблуждения.

Мы участвовали в деятельности сект, исповедовали и проповедовали ереси, оккультные воззрения, распространяли непроверенную информацию, хулили святую Церковь и её служителей.

Мы согрешили неблагоговейным употреблением святых предметов, содержанием святыни в нечистоте, в употреблении святых предметов в качестве идолов, оберегов, магических средств защиты. Мы не уповали на Тебя, Господи, не доверяли Тебе в скорбях и болезнях. Мы согрешили пропуском без уважительной причины воскресных богослужений, неблагоговейным причащением святых Христовых тайн.

Кроме сего, мы много согрешили пред Тобою словом, делом, ведением и неведением, во уме и в помышлениях, согрешили чувствами и похотениями, отвержением Твоих заповедей,  непослушанием отцов и наставников наших духовных.

Мы согрешили невежеством, оставлением молитвы, невнимательностью и равнодушием к слову Твоему, согрешили теплохладностью, принятием духа мира сего, стыдом исповедания веры Твоей святой.

Мы согрешили равнодушием к делу благовестия Твоего, не приучили детей своих к вере, не ревновали о спасении крестников, сродников и наших ближних.

Каемся в том, что не избегали душевного общения с упорными еретиками и грехолюбцами.

Каемся, что нерадели об исправления заблудших и вразумления отпадших от Церкви Твоей из-за упорства в грехах.

Каемся в равнодушном взирании на деяния еретиков, кои расхищали стадо наследия Твоего.

Бегая иночества, мы и в миру не имели верности, отвергли  служение слова, рекшего о воскресении Сына Твоего, Его же ради мы и посланы в мир.

Каемся в том, что имели охлаждение в служении ближним, не являли любви, не стремились к радости общения с единоверцами, не утешали страждущих, не покрывали своей молитвой грехов ближних, осуждали священников, мирян, монахов, соблазнялись сами и соблазняли своими словами и делами неутверждённых.

Прости нас, Господи, вразуми, настави и помилуй, недостойных. Исправи жизнь нашу греховную, соделай нас делателями неукоризненными, светом мира и солью земли, утоли раздоры и нестроения, собери расточенныя, соедини разсеянныя, подаждь мир стране нашей и благоденствие нашим ближним, избави нас всех от тяжких бед и несчастий. Всесвятый Владыко, просвети разум наш светом учения Евангельскаго, возгрей сердца наша теплотою благодати Твоея и направи нас к деланию заповедей Твоих, яко подобает Тебе всякая честь и поклонение, Отцу и Сыну и Святому Духу ныне и присно и во веки веков. Аминь.

Молитва просительная. (Чтец 5).

Молитва об исцелении близкого человека.

Чтец 5: Господи, Боже Вседержителю, Святый Царю, наказуяй и не умерщвляяй, утверждаяй низпадающия и возводяй низверженныя, телесныя человеков скорби исправляяй, молимся Тебе, Боже наш, раба Твоего (имя) немощствующа посети милостию Твоею, прости ему всякое согрешение вольное и невольное. Ей, Господи, врачебную Твою силу с небесе ниспосли, прикоснися телеси, угаси огневицу, укроти страсть и всякую немощь таящуюся, буди врач раба Твоего (имя), воздвигни его от одра болезненнаго и от ложа озлобления цела и всесовершенна, даруй его Церкви Твоей благоугождающа и творяща волю Твою. И да прославится пресвятое имя Твое, Отца и Сына и Святого Духа.

Конец молебна. (Чтец 6).

Чтец 6: Господи Иисусе Христе, Единородный Сыне Безначальнаго Отца! Ты рекл еси пречистыми Твоими усты, яко без Мене не можете творити ничесоже. Сего ради припадая к Твоей благости, просим и молим Тя: рабом Твоим (имярек) и всем, зде предстоящим и молящимся Тебе, помози во всех благих их делах, начинаниих
и намерениих. Яко Твоя держава, царство и сила, от Тебе помощь вси приемлем, на Тя уповаем и Тебе славу возсылаем, со Отцем и Святым Духом, ныне и присно, и во веки веков.

Народ: Аминь.

Народ поёт:  Царице наша преблагая,/ надеждо наша Богородице,/ приятелище сирых,/ и странных предстательнице,/ скорбящих радосте,/ обидимых покровительнице,/ зриши нашу беду,/ зриши нашу скорбь:/ помози нам яко немощным,/ окорми нас яко странных:/ обиду нашу веси,/ разреши ту, яко волиши,/ яко не имамы иныя помощи разве Тебе,/ ни иныя предстательницы,/ ни благия утешительницы,/ токмо Тебе, о Богомати,/ яко да сохраниши нас и покрыеши,// во веки веков.
Аминь.

Чтец 6: Господи помилуй 40 раз.

Честнейшую херувим и славнейшую без сравнения серафим, без истеления Бога Слова родшую, сущую Богородицу Тя величаем.

Слава Отцу и Сыну и Святому Духу и ныне и присно и во веки веков. Аминь.

Господи, Иисусе Христе, Сыне Божий, молитв ради Пречистыя Твоея Матери, и всех святых, помилуй и спаси нас, яко Благ и Человеколюбец.

Сделать пожертвования на чтения псалтыри в течении 40 дней можно здесь, пройдясь по красной стрелке вправо.